ឯកឧត្តមឧបនាយករដ្ឋមន្រ្តី កែ គឹមយ៉ាន អញ្ជើញបើកសម្ពោធដាក់ឲ្យដំណើរការសមាគមទំនាក់ទំនង និងគាំទ្រប្រជាជន
ឯកឧត្តម កែ គឹមយ៉ាន ឧបនាយករដ្ឋមន្រ្តី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀននៅថ្ងៃទី ២៦ ខែតុលា ឆ្នាំ២០២២ បានផ្តល់កិត្តិយសដ៏ខ្ពង់ខ្ពស់ចូល រួមជាអធិបតីក្នុងពិធីបើកសម្ពោធដាក់ឲ្យដំណើរការនូវសមាគមទំនាក់ទំនង និងគាំទ្រប្រជាជន ដោយមានការអញ្ជើញចូលរួមពីភ្ញៀវកិត្តិយសជាច្រើនទៀត ។
ក្នុងឱកាសនោះ ឯកឧត្តមឧបនាយករដ្ឋមន្រ្តី បានថ្លែងចូលរួមអបអរសាទរ និងជូនពរចំពោះ ឯកឧត្តម ស៊ី ជីងពីង ប្រធានាធិបតីនៃសាធារណរដ្ឋប្រជាមានិតចិន ដែលត្រូវបានជាប់ឆ្នោតសា ជាថ្មីម្តងទៀត ជាអគ្គលេខា ធិការបក្សកុម្មុយនីស្តចិន នៅក្នុងសមាជជាតិរបស់គណបក្សលើកទី២០កាលពីពេលថ្មីៗនេះ។
ឯកឧត្តម ឧបនាយករដ្ឋមន្រ្តី កែ គឹមយ៉ាន បានបន្តកោត សរសើរ និងអបអរសាទរចំពោះស្ថាបនិក ក្រុមប្រឹក្សាភិបាល ថ្នាក់ដឹកនាំ និងបុគ្គលិកដែលបានរួមសហការគ្នាបង្កើតបាននូវសមាគមនេះ ហើយភាគីមិត្តដែកថែបចិនតែងតែផ្តល់នូវការសហការគាំទ្រជាមួយរាជរដ្ឋាភិបាលដឹកនាំដោយសម្តេចតេជោ ហ៊ុន សែន ប្រកបដោយស្មារតីមិត្តភាព ភាតរភាព និងដៃគូយុទ្ធសាស្រ្តគ្រប់ជ្រុង ជ្រោយ ចំពោះប្រទេសកម្ពុជាលើគ្រប់វិស័យ និងនិយាយ ដោយឡែកក្នុងកិច្ចសហប្រតិ បត្តិការប្រយុទ្ធប្រឆាំងគ្រឿង ញៀន និងឧក្រិដ្ឋកម្មឆ្លងដែន ។
ជាមួយគ្នានេះ ដើម្បីធានាដល់ប្រសិទ្ធភាព និងប្រសិទ្ធផលក្នុងបេសកកម្មរបស់សមាគម ឯកឧត្តម ឧបនាយករដ្ឋមន្រ្តី កែ គឺមយ៉ាន បានណែនាំនូវការងារចាំបាច់មួយចំនួនមាន៖ត្រូវគាំទ្រ និងចូលរួមជាមួយរាជរដ្ឋាភិបាល ដើម្បីសុខសន្តិភាព ស្ថិរភាពនយោបាយ លើកកម្ពស់លទ្ធិប្រជាធិប តេយ្យ ការគោរពសិទ្ធិមនុស្ស ការអនុវត្តច្បាប់ និងការអភិវឌ្ឍសេដ្ឋកិច្ចជាតិឲ្យកាន់តែរីកចម្រើន រក្សាសាមគ្គីភាព ត្រួតពិនិត្យ និងវាយតម្លៃនូវសកម្មភាពការងារអនុវត្ត និងទិសដៅដែលបានកំណត់ ។
ឯកឧត្តម ឧបនាយករដ្ឋមន្ត្រី កែ គឹមយ៉ាន ក៏បានអំពាវនាវដល់ស្ថានទូត ក្រសួង ស្ថាប័ន អង្គភាពពាក់ព័ន្ធ និងសប្បុរស ជននានាបន្តជួយសហការ គាំទ្រដល់ដំណើរការនៃការ អនុវត្តសកម្មភាពការងាររបស់សមាគមឲ្យបានកាន់តែរលូន និងប្រសិទ្ធភាពខ្ពស់ ។
យោងតាមរបាយការណ៍របស់ លោក យៀ ឆាងឈីង ប្រធានសមាគម បានឱ្យដឹងថា សមាគមបានការទទួលស្គាល់ពីក្រសួងមហាផ្ទៃ នៅថ្ងៃទី២៨ ខែកញ្ញា ឆ្នាំ២០២២ ដោយ មានគោលបំណងសំខាន់គឺចូលរួមសហការចែករំលែកនូវវប្បធម៌ ទំនៀមទម្លាប់ប្រជាជនខ្មែរ និងបរទេស ផ្សព្វផ្សាយនិងលើកកម្ពស់ការអនុវត្តច្បាប់ រួមនឹងការសហការកៀរគរ វិនិយោគបរទេស ដើម្បីអភិវឌ្ឍសេដ្ឋកិច្ចកម្ពុជា ៕
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBN2tjQkE9PSIsImV4cCI6bnVsbCwicHVyIjoiYmxvYl9pZCJ9fQ==--69d4c9aba35812a87845ec0d60f4ffbd0ead7041/E0FB7794-F1D2-4F09-846A-69061FB.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBN3djQkE9PSIsImV4cCI6bnVsbCwicHVyIjoiYmxvYl9pZCJ9fQ==--b5eea85a2cf1fd8afa83fcaf1c866fb085323d90/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/80D7CA6E-4522-428B-B24A-612177A.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBN2djQkE9PSIsImV4cCI6bnVsbCwicHVyIjoiYmxvYl9pZCJ9fQ==--a8d78e1546ddb55771537032b29df66103df0cc0/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/209C4C41-A7D0-4EDA-8CC7-0520A4C.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBN3NjQkE9PSIsImV4cCI6bnVsbCwicHVyIjoiYmxvYl9pZCJ9fQ==--411a4e2532c39425d7197469a457157c66bd61fb/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/DC1A4026-D41A-4E40-8A40-B6C50A3.jpeg)
Post a Comment