ឯកឧត្តមប្រធាន រាជ សុភទ្ទ ប្រធានក្រុមការងារចុះពង្រឹងឃុំអំពិលប្រាំដើម ជួបសំណេះសំណាល និងសាកសួរសុខទុក សមាជិក សមាជិការបក្ខឃុំ នុងក្រុមជនបង្គោល ក្នុងឱកាសចូលឆ្នាំថ្មី

បាត់ដំបង៖ ឯឧត្តម រាជ សុភទ្ទ អនុរដ្ឋលេខាធិការក្រសួងមហាផ្ទៃ ជាអនុប្រធានអចិន្ត្រៃយ៍នៃលេខាធិការដ្ឋាន ក្រុមការងាររាជរដ្ឋាភិបាលចុះមូលដ្ឋានរាជធានី-ខេត្ត និងជាក្រុមការងារចុះពង្រឹងឃុំអំពិលប្រាំដើម ស្រុកបវេល ខេត្តបាត់ដំបង បានអញ្ជើញជួបសំណេះសំណាល និងសាកសួរសុខទុក្ខសមាជិក សមាជិការគណកម្មការបក្ខឃុំ ភូមិបនិងក្រុមជនបង្គោល ក្នុងឱកាសបុណ្យចូលឆ្នាំប្រពៃណីជាតិខ្មែរ។

ពិធីជួនសំណេះសំណាល និងសាកសួរសុខទុក្ខជាមួយសមាជិក សមាជិការបក្ខឃុំ ភូមិ និងជនបង្គោលនេះ ធ្វើឡើងនៅថ្ងៃទី១២ ខែមេសា ឆ្នាំ២០២៣ នេះ ក្រោមអធិបតីភាព ឯកឧត្តម រាជ សុភទ្ទ ប្រធានក្រុមការងារចុះពង្រឹងឃុំអំពិលប្រាំដើម លោកឧកញ៉ា អ្នកអង្គ លោក លោកស្រី អនុប្រធានក្រុមការងារឃុំ ភូមិជាច្រើននាក់ទៀត។

ក្នុងឱកាសពិធីសំណេះសំណាលនេះ ក៏មានការចូលរូមពីសមាជិក សមាជិការ គមកម្មការបក្សឃុំ ភូមិ ជនបង្គោល លោកគ្រូ អ្នកគ្រូ ក្រុមយុចជន ប្រជាការពារ និងនិវត្តន៍ជន អតីតយុទ្ធជន សរុបចំនួនប្រមាណ ៣៨៣នាក់។

ឯឧត្តម រាជ សុភទ្ទ អនុរដ្ឋលេខាធិការក្រសួងមហាផ្ទៃ ជាអនុប្រធានអចិន្ត្រៃយ៍នៃលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋានរាជធានី-ខេត្ត និងជាប្រធានក្រុមការងារចុះពង្រឹងឃុំអំពិលប្រាំដើម ស្រុកបវេល ខេត្តបាត់ដំបង  បានធ្វើការវាយតម្លៃចំពោះកិច្ចខិតខំប្រឹងប្រែងរបស់ក្រុមការងាររាជរដ្ឋាភិបាលចុះមូលដ្ឋានឃុំអំពិលប្រាំដើម ដែលបានយកចិត្តទុកដាក់បំពេញភារកិច្ច ការងារដោយការទទួលខុសត្រូវ អនុវត្តបានតាមតួនាទីភារកិច្ច ដែលប្រមុខរាជរដ្ឋាភិបាលប្រគល់ជូន។

ឯកឧត្តមបានបន្តទៀតថា ក្រុមការងារត្រូវបង្កើតសកម្មភាព  ក្នុងការត្រួតពិនិត្យ និងគាំទ្រការអនុវត្ត កម្មវិធីនយោបាយនានា និងយុទ្ធសាស្ត្រ ចតុកោណដំណាក់កាលទី៤ របស់រាជរដ្ឋាភិបាលនៅតាមមូលដ្ឋាន ដែលខ្លួនទទួលបន្ទុក រួមសហការដោះស្រាយបញ្ហាប្រឈម និងការលំបាកនានារបស់ប្រជាពលរដ្ឋនៅមូលដ្ឋាន។

ក្នុងឱកាសនោះ ឯឧត្តម រាជ សុភទ្ទ ក៏បានអំពាវនាវដល់មាជិ សមាជិការគ្រប់រូប ត្រូវបន្តការផ្សព្វផ្សាយដល់ប្រជាពលេដ្ឋក្នុងភូមិ និងសហគមន៍របស់យើងកំពុងរស់នៅឲ្យពួកគាត់អញ្ជើញទៅបោះឆ្នោតជ្រើសរើសថ្នាក់ដឹកនាំប្រទេសឲ្យបានគ្រប់ៗគ្នា នាពេលខាងមុខនេះ ដើម្បីទទួលបានការអភិវឌ្ឃន៍ រីកចំរើនលើកគ្រប់វស័យ ជាពិសេសរក្សាបាននូវសុខសន្តិភាព  ស្ថិរភាពនយោបាយតែម្តង។

សូមនញ្ជាក់ថា អ្នកចូលរួមក្នុងឱកាសសំណេះសំណាល និងសាកសួរសុខទុក្ខនោះ រួមមាន៖ លោកគ្រូ អ្នកគ្រូ ចំនួម៩៣នាក់ ,អាជ្ញាធរភូមិ ៤៥នាក់ ,យុវជន ២២នាក់ ,ប្រជាការពារ ១១៩នាក់ ,និវត្តន៍ជន អតីតយុទ្ធជន ៦០នាក់ ,អចិន្ត្រៃ បក្ស ៣០នាក់ ,នគរបាលប៉ុស្ត៍ ០៦នាក់ និងពេទ្យ ០៦នាក់ ដោយជូនម្នាក់ៗ នូវថវិកា ៣ម៉ឺនរៀល ,សារ៉ុង១ ,ក្រម៉ា ១ផងដែរ៕