សម្ដេចពិជ័យសេនា ទៀ បាញ់៖ កម្ពុជាមានមោទកភាពដែលបានបញ្ចូលកីឡាអុកចត្រង្គក្នុងព្រឹត្តិការណ៍ស៊ីហ្គេមលើកទី៣២
ភ្នំពេញ :ថ្ងៃទី១០ ខែឧសភា ឆ្នាំ២០២៣ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ (CAMSOC-CAMAPGOC) បានបញ្ជាក់ថា នេះហើយជាមោទកភាពខ្លាំងណាស់ដែលព្រះរាជាណាចក្រកម្ពុជាបានបញ្ចូល
ប្រភេទកីឡាអុកចត្រង្គ និងរៀបចំការប្រកួតកីឡាបានយ៉ាងរលូន។ ការគូសបញ្ជាក់របស់សម្ដេចពិជ័យសេនានេះ ក្នុងឱកាសអញ្ជើញជាអធិបតីក្នុងពិធីបំពាក់មេដាយជូនកីឡាករ កីឡាការិនីជ័យលាភី កីឡាអុកចត្រង្គ នាល្ងាចថ្ងៃទី០៩ ខែឧសភា ឆ្នាំ២០២៣ នៅសាលដំបូលទូកនៃសាកលវិទ្យាល័យភូមិន្ទភ្នំពេញ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBN0REQkE9PSIsImV4cCI6bnVsbCwicHVyIjoiYmxvYl9pZCJ9fQ==--c9258ca0a22a987c2d94c11396773e1d91e0a10e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_7684.jpeg)
សម្តេចពិជ័យសេនា ទៀ បាញ់ បានថ្លែងថា៖ «នេះសុទ្ធសឹងជារឿងមួយដែលកម្ពុជាមានបំណងប្រាថ្នាដ៏ធំធេងណាស់ ដើម្បីធ្វើឱ្យវិស័យកីឡាអុកចត្រង្គមានការរីកចម្រើន ដោយសារតែជាលើកដំបូងដែលកម្ពុជាបានធ្វើជាម្ចាស់ផ្ទះ និងបានរៀបចំការប្រកួតអុកចត្រង្គនេះ»។ សម្ដេចពិជ័យសេនាបានថ្លែងបញ្ជាក់ថា ចាប់ពីពេលនេះទៅសមាគមក្នុងកីឡាអាស៊ីអាគ្នេយ៍នេះ បានបញ្ចូលកីឡាអុកចត្រង្គនេះទៅក្នុងធម្មនុញ្ញទៅហើយ ដោយមានការចាត់បញ្ជូនកីឡាករចូលរួមការប្រកួតនៅគ្រប់ទិសទីទាំងអស់ ពេលដែលស៊ីហ្គេមបានបំពេញ ឬធ្វើការងារនេះ។ សម្ដេចពិជ័យសេនាបានបន្ដថា ដូច្នេះកិច្ចការនេះគឺជាមោទកភាពមួយដែលកម្ពុជាបានបញ្ចូលកីឡាអុកចត្រង្គនេះ ក្នុងតំបន់របស់យើងរួចជាស្រេចហើយនៅពេលនេះ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNi9EQkE9PSIsImV4cCI6bnVsbCwicHVyIjoiYmxvYl9pZCJ9fQ==--e8d04e55de8c32c886ad9c166bb321fc179946fc/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_7682.jpeg)
សម្ដេចពិជ័យសេនា ទៀ បាញ់ បានគូសបញ្ជាក់ថា បំណងប្រាថ្នាធំបំផុតរបស់កម្ពុជា គឺធ្វើយ៉ាងម៉េច ក្នុងនាមជាម្ចាស់ផ្ទះ បដិសណ្ឋារកិច្ចដល់ប្រតិភូកីឡា កីឡាករ កីឡាការិនី និងប្រតិភូទាំងឡាយ ដែលមកចូលរួមនេះ ទទួលបានភាពកក់ក្ដៅ និងឃើញច្បាស់ពីគុណតម្លៃនៃសន្តិភាព ដែលធ្វើឱ្យប្រជាជនកម្ពុជា និងរាជរដ្ឋាភិបាលកម្ពុជាអាចចាត់ចែង និងធ្វើការងារធំៗជាច្រើនរហូតមកដល់ពេលនេះ កម្ពុជាអាចរៀបចំព្រឹត្តិការណ៍ស៊ីហ្គេមលើកទី៣២នេះ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNjdEQkE9PSIsImV4cCI6bnVsbCwicHVyIjoiYmxvYl9pZCJ9fQ==--69d32d6a42b681b4f0d478e78cde2c3d12c2d92b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_7685.jpeg)
ដោយឡែក អ្នកសារព័ត៌មានបរទេស ដែលបានចូលរួមក្នុងព្រឹត្តិការណ៍ស៊ីហ្គេម លើកទី៣២នេះ បានថ្លែងអំណរគុណយ៉ាងជ្រាលជ្រៅ ចំពោះរាជរដ្ឋាភិបាលកម្ពុជាដែលបានរៀបចំ យកចិត្តទុកដាក់ និងផ្តល់ការទទួលយ៉ាងកក់ក្ដៅ៕ ដោយ៖ ទេស ច័ន្ទសុធារី, រូបថត៖ ស៊ិន សារ៉េតសម្រួលដោយ:ដារ៉ា
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNjNEQkE9PSIsImV4cCI6bnVsbCwicHVyIjoiYmxvYl9pZCJ9fQ==--5c305eabeccce5b2646ac9999c94343a1df27993/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_7683.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNnpEQkE9PSIsImV4cCI6bnVsbCwicHVyIjoiYmxvYl9pZCJ9fQ==--f694c7bdf346f0bb9ff4d4db335b1a5fd3331476/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_7686.jpeg)
Post a Comment