លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានដឹកនាំកម្លាំងចុះបង្ក្រាបទីតាំងក្លឹបកំសាន្តមួយកន្លែង( យីហោKTV ស្តា សុី ធី ) បានឃាត់ខ្លួនមនុស្ស.ប្រុស.ស្រី.ចំនួន ២៣១នាក់ វត្ថុតាងមួយចំនួនធំ...

ខេត្តបន្ទាយមានជ័យ៖ លោកឧត្តមសេនីយ៍ទោ សិទ្ធិ ឡោះ ស្នងការដ្ឋាននគរបាលខេត្ត កាលពីថ្ងៃពុធ ១៣ រោច ខែអស្សុជ  ឆ្នាំរោង ឆស័ក ព ស ២៥៦៨ ត្រូវនិងថ្ងៃទី៣០ ខែតុលា ឆ្នាំ២០២៤ វេលាម៉ោង០២/២០នាទី រំលងអាធ្រាត្រ។

បានដឹកនាំបញ្ជាកម្លាំងជំនាញ កម្លាំងអធិការនគរបាល ក្រុងប៉ោយប៉ែត និងកម្លាំងវរសេនាតូចការពារព្រំដែនគោកលេខ៨៩១  ដឹកនាំដោយលោកស្រីឧត្តមសេនីយ៍ត្រី ឌី សុជាតិ ស្នងការរងទទួលផែនការងារប្រឆាំងការជួញដូរមនុស្ស និងការពារអនីតិជន ដោយមានការសម្របសម្រួលពីលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តបន្ទាយមានជ័យ។

បានចុះបង្រ្កាបទីតាំងក្លឹប និង KTV (យីហោស្តាស៊ីធី) មួយកន្លែង នៅបរិវេណកាស៊ីណូផ្កាយប្រាំ ឋិតនៅភូមិក្បាលស្ពាន ១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ កម្លាំងជំនាញបានឃាត់ខ្លួនមនុស្សសរុបចំនួន២៣១នាក់ ស្រី១៣៥នាក់។ ចំនែកឯអ្នកដែលមិនមានជាប់ពាក់ព័ន្ធ ហើយបានធ្វើតេស្តទឹកនោមស្វែងរកសារធាតុញៀនលទ្ធផលអវិជ្ជមាន. -. ចំនួន ១៩២នាក់ កម្លាំងបានធ្វើការអប់រំឱ្យទៅលំនៅដ្ឋានវិញ ដោយមានការសម្រមសម្រួលពីលោក សំរិទ្ធ សុខុន ព្រះរាជ្ញរងបានអនុញ្ញាតិឱ្យអ្នកមិនពាក់ពន្ធ និងគ្មានសារធាតុញៀនឱ្យត្រឡប់ទៅផ្ទះវិញ។

ចំពោះអ្នកមានជាប់ពាក់ព័ន្ធ និងបានធ្វើតេស្តទឹកនោមស្វែងរកសារធាតុញៀនលទ្ធផលវិជ្ជមាន.+.សរុបចំនួន ៣៩នាក់ ស្រី០៩នាក់ ក្នងនោះមានជនជាតិ ៣៣នាក់ ស្រី០៨នាក់។

-មានជនជាតិ ថៃ:១៦នាក់ ស្រី០៧នាក់

-មានជនជាតិ ឥណ្ឌូនេស៊ី:១៧នាក់ ស្រី០១នាក់

-សម្ភារៈ និងវត្ថុតាងមានៈ

១.ម្សៅម៉ត់ ស សង្ស័យជាសារធាតុញៀនចំនួន៣១កូនថង់។

២.ថ្នាំគ្រាប់ពណ៌ផ្កាឈូក (រូបតុក្តតា) សង្ស័យជាសារធាតុញៀនចំនួន៤១គ្រាប់។ 

៣.ថ្នាំគ្រាប់ពណ៌ (ទឹកសមុទ្រ) សង្ស័យជាសារធាតុញៀនចំនួន១២គ្រាប់។ 

៤.ថ្នាំកញ្ចប់រូបទំពាំង (បាយជូរ)សង្ស័យជាសារធាតុញៀនចំនួន០៣កញ្ចប់។ 

៥.ថ្នាំកញ្ចប់ពណ៌ក្រហម (រូបសេះ) សង្ស័យជាសារធាតុញៀន០១កញ្ចប់។ 

៦.ថ្នាំកញ្ចប់ពណ៌ស្វាយមាន(អក្សរចិន)សង្ស័យជាសារធាតុញៀន០១កញ្ចប់។ 

៧.ថ្នាំគ្រាប់ពណ៌លឿង (រូបតុក្តតា) សង្ស័យជាសារធាតុញៀនចំនួន០៧គ្រាប់។ 

៨.ថ្នាំគ្រាប់រូប (គ្រាប់បែក) សង្ស័យជាសារធាតុញៀនចំនួន០៣គ្រាប់។ 

៩.ថ្នាំកញ្ចប់ពណ៌ក្រហមសង្ស័យជាសារធាតុញៀនចំនួនចំនួន០២កញ្ចប់។ 

១០.ថ្នាំកញ្ចប់ពណ៌ខ្មៅសង្ស័យជាសារធាតុញៀន០១កញ្ចប់។ 

១១.ថ្នាំកញ្ចប់ពណ៌ទឹកមាសសង្ស័យជាសារធាតុញៀន០១កញ្ចប់។ 

១២.ថ្នាំគ្រាប់ពណ៌ស្វាយសង្ស័យជាសារធាតុញៀនចំនួន០៤គ្រាប់។ 

១៣.ក្បាលវ៉ែបមួយចំនួន។ 

១៤.ថង់សម្រាប់ច្រកគ្រឿងញៀនមួយចំនួន។ 

១៥.លិខិតឆ្លងដែនចំនួន០៥ក្បាល។ 

១៦.អត្តសញ្ញាណសញ្ជាតិថៃចំនួ០២សន្លឹក។ 

បន្ទាប់មកកម្លាំងក៏បាននាំជនសង្ស័យទាំងអស់មកកាន់អធិការដ្ឋាននគរបាលក្រុងប៉ោយប៉ែត ដើម្បីធ្វើការសាកសួរនាំ និងបានធ្វើតេស្តទឹកនោមស្វែងរកសារធាតុញៀនលទ្ធផលវិជ្ជមាន.+.។

បច្ចុប្បន្ន,កម្លាំងជំនាញសុំធ្វើការឃាត់ខ្លួនជនសង្ស័យដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីហើយ៕